kutubhona

Бандаларга ҳаром қилинган
нарсанинг савдоси ҳам ҳаром

Бу ерда Аллоҳ ейишни ҳаром қилган нарсалар бор. Масалан ўлимтик гўшти каби. Ичишни ҳаром қилган нарсалар бор. Масалан хамр-маст қилувчи ичимликлар каби. Олишни ҳаром қилган нарсалар бор. Масалан бут-санамлар каби. Сотиб олишни ҳаром қилган нарсалар бор. Масалан ҳайкаллар каби. Қилишни ҳаром қилган нарсалар бор. Масалан суратлар каби. Бу нарсаларнинг ҳаромлиги ҳақида оят ва ҳадислардан иборат шаръий нусус келган. Аллоҳ бандаларга қайси нарсаларни ҳаром қилган бўлса ўша нарсаларни сотиш ҳам уларнинг пули ҳаром бўлгани учун ҳаромдир. Жобирдан унинг Росулуллоҳ с.а.в.дан шундай деганини эшитгани ривоят қилинган:

«إنَّ اللَّهَ وَرَسُولَهُ حَرَّمَ بَيْعَ الْخَمْرِ وَالْمَيْتَةِ وَالْخِنْزِيرِ وَالأَصْنَامِ. فَقِيلَ: يَا رَسُولَ اللَّهِ أَرَأَيْتَ شُحُومَ الْمَيْتَةِ فَإِنَّهُ يُطْلَى بِهَا السُّفُنُ, وَيُدْهَنُ بِهَا الْجُلُودُ، وَيَسْتَصْبِحُ بِهَا النَّاسُ؟ فَقَالَ: لا، هُوَ حَرَامٌ. ثُمَّ قَالَ رَسُولُ اللَّهِ A عِنْدَ ذَلِكَ: قَاتَلَ اللَّهُ الْيَهُودَ، إنَّ اللَّهَ لَمَّا حَرَّمَ شُحُومَهَا جَمَلُوهُ ثُمَّ بَاعُوهُ فَأَكَلُوا ثَمَنَهُ»

«Албатта Аллоҳ ва Росули хамр, ўлимтик, тўнғиз, бут-санамларни сотишни ҳаром қилди. Шунда: ё Росулуллоҳ, ўлимтик ёғлари ҳақида нима дейсиз, уни кемаларга суркалади, у билан терилар ёғланади, одамлар у билан чироқ ёқишади? - деб сўралди. Пайғамбаримиз: йўқ (бундай қилишмасин) у ҳаромдир, дедилар. Сўнгра Росулуллоҳ с.а.в. бундай дедилар: Аллоҳ яҳудларни лаънатласин, Аллоҳ ўлимтик ёғларини ҳаром қилса улар уни эритиб сотиб пулини ейишди». Бухорий ривояти. Ибн Аббосдан Набий с.а.в.нинг шундай дегани ривоят қилинди:

«قَاتَلَ اللَّهُ الْيَهُودَ ثَلاَثًا، إِنَّ اللَّهَ حَرَّمَ عَلَيْهِمُ الشُّحُومَ فَبَاعُوهَا وَأَكَلُوا أَثْمَانَهَا، وَإِنَّ اللَّهَ إِذَا حَرَّمَ عَلَى قَوْمٍ أَكْلَ شَىْءٍ حَرَّمَ عَلَيْهِمْ ثَمَنَهُ»

«Аллоҳ яҳудларни ҳалок қилсин. (Пайғамбаримиз буни уч бор айтдилар) Аллоҳ уларга ёғларни ҳаром қилган эди улар уни сотиб пулини ейишди. Аллоҳ бир қавмга бирон нарсани ейишни ҳаром қилса уларга унинг пулини ҳам ҳаром қилади». Бухорий ривояти. Ҳаром қилинганлик ҳақидаги бу шаръий насс иллатланмай келяпти ва ўлимтикни